CEBU - Gisugdan na sa kapusilan sa dakbayan sa Sugbu ang pagpaniid sa mga kiriwa’g kamot ug sa uban pang kriminal nga moanhi sa Sugbu aron mamiktima sa mga tawong mosaksi sa Sinulog Grand Mardi Gras karong petsa 18 ning buwana.
Si Sr. Supt. Patrocinio Comendador, hepe sa kapulisan sa dakbayan sa Sugbu ug mao usab ang Task Force Commander sa Task Force Sinulog 2009 nagkanayon nga nakig-alayon na sila sa ubang mga law enforcement agencies pag-monitor sa mga kriminal nga mangabot.
Gipanid-an na ang mga pantalan diin sagad mangagi ang mga mangingilad, manguotay ug uban pang mga kiriwan og kamot gikan sa Mindanao ug Leyte unya moabang og mga boarding house ug apartment.
Ang Theft and Robbery Section sa Cebu City Police Office mipakatap na usab sa ilang mga trackers pagpangita sa mga banggiitang kawatan nga kaniadto makadaghan na nilang madakpi atol sa Sinulog. (BANAT NEWS)