Opisyales sa Barili gidasig ni Gwen

Cebu - Si Gobernador Gwendolyn Garcia nidasig sa mga opisyales sa lungsod sa Barili paghatag og maayong serbisyo sa publiko atol sa sesyon kagahapon sa Kapitolyo atol sa pagpanumpa sa ba-ong kapitan sa Barangay Luhod.

Isip chairwoman sa One Cebu Party ang gobernador nipadaplin una sa politika ug nidasig sa pakig-alayon pinaagi sa pagtinabangay sa usa’g-usa alang sa panaghiusa sa probinsya sa Sugbu.

Nanghinaot ang gobernadora nga mosabot ang mga political leader sa Barili ug tagamtamon ang mga programa sa probinsya nga alang sa mga taga Barilinhon.

Sa iyang pakigpulong ang gobenrador nagkanayopn nga siya ug si Kongresista Pablo John Garcia sa ikatulong distrito sa lalawigan diin nahisakop ang Barili abli ang tanan alang sa paghimog mga plano sa maong lungsod alang sa pagpalambo ug sulbaron ang nag-unang problema sama sa kakuwang sa supply sa tubig.

Samtang gihimakak sa gobernadora kabahin sa pasangil nga ang mga Garcia maoy nagdominar sa political positions diha sa Barili.

“As far as the Garcia are concern, there is absolutely no need for the officials in every district in Barili na manghupot sa mga Garcia kay daghan kaayong mga matinud-anong opisyales ug mga tawo sa Barili,” pasabo pa niya.

Matud sa gobernadora andam siyang mosuporta sa administrasyon sa Barili ni Mayor Teresito “Undo Mariñas kinsa anaa sa opposition.

Ang gipapanumpang kapitan mao si Lauro Gemilla isip hulip sa namatay sa aksidenteng si Vicente Apao niadtong Disyembre 22, ug ang anak niining si Marvin Apao mao usab ang milingkod sa nabiyaang pwesto ni Gemilla pagka-kagawad sa barangay. – BANAT NEWS