Pusher nga suspek sa pagpatay gikiha

CEBU - Napasaka na ang kaso sa korte batok sa usa ka gipasanginlang pusher sa barangay Napo dakbayan sa Carcar kinsa gidudahan usab nga suspek sa pagpatay sa iyang higala bisan paman sa iyang panghimakak.

Ang gipasakaan og kasong illegal possession of prohibited drugs and drug paraphernalia mao si Jovie Wamar, lumad sa maong dapit nga mao usab ang suspek pagpatay sa usa ka Abraham Alforque.

Sigun pa sa kapolisan sa lungsod sa Carcar nga gipangulohan ni SPO1 Meliton Agadier Jr. nga niadtong Nobiyembre 20 ning tuiga, nag-follow up sila sa kaso sa pagpatay kang Alforque ug usa sa mga suspetsado mao si Wamar.

Apan dihang ilang nakit-an si Wamar, ila usab namatikdan nga may gitunol si Wamar ngadto sa laing lalaki nga gituohang pakete sa shabu hinungdan nga ila kining gidakop.

Sa iyang counter affidavit, si Wamar kusganong nihimakak sa pasangil sa kapolisan ug mipasangil sa kapolisan nga mi-planted kaniya sa shabu aron lang siya makasuhan.

Apan si Carcar city prosecutor Richard Abangan Sr. wala nituo sa panghimakak sa akusado ug mirekomendar og P240 mil   nga piyansa alang sa temporaryo niining kagawasan. (Chester Abadilla)   (BANAT NEWS)