Banay sa namatay nga enforcer hataga'g P100 mil

CEBU - Makadawat og P100,000 nga salapi ang pamilya sa traffic enforcer sa dakbayan sa Mandaue nga nagligsan ug namatay atol sa pagtuman sa trabaho.

Ang konseho sa regular session mipasar sa resolusyon nga nagtugot kang Mayor Jonas Cortes sa pagpagawas sa maong kantidad aron ihatag sa banay ni Jojie Dalida,29, kinsa naligsan og trak diha sa dalan padulong sa Marcelo Fernan Bridge.

Si Mayor Cortes daan nang nagplano paggahin og thrust fund sa mga enforcer sa dakbayan ang gipaluyuhan usab ni Bise Mayor Carlo Fortuna tungod sa nakita sa naulahi nga kaayohan alang sa mga traffic enforcers.

Nagbilin ang biktima og duha ka gagmay pa niyang mga anak ug sa iyang asawa kinsa maoy makadawat sa maong salapi.

Ang nakaligis patay sa biktima mao ang trak nga gimaneho ni Armado Jory Lubaton, 45, minyo nga taga Zone 4   barangay Canduman, dakbayan sa Mandaue ug drayber sa Isuzu truck nga nagtangag sa plate number GXG 710   nga nagkarga sa sinakong harina. – BANAT NEWS