Naligsang traffic enforcer tabangan

Makadawat og P50,000 nga salapi ang pamilya sa traffic enforcer sa dakbayan sa Mandaue nga naligsan patay og 10-wheeler truck samtang nagtuman sa iyang trabaho.

Si Mayor Jonas Cortes mitug-an nga hatagan unta niya og hinabang pinansyal nga P100,000 ang pamilya ni Jojie Dalida, 25, kinsa sakop sa Traffic Enforcement Agency of Mandaue apan agdon pa ang pundo ug pagtugot sa Konseho.

Si Bise Mayor Carlo Fortuna mitug-an nga sama sa ubang kawani sa dakbayan nga mitaliwan angayang tabangan ang mga nangailo niini.

Si Dalida nag-man sa dalan United Nation Avenue ug eskina dalan Plaridel sa barangay Umapad niadtong Biyernes sa buntag sa miaging semana apan usa ka trak nga puno og sinakong harina ang kalit nga miligis kaniya.

Ang drayber nga si Armado Labaton mibutyag nga nawad-an og brake ang trak maong nahitabo ang aksidente.