Task Group Cebu motorsiklo gidayeg
CEBU - Gidayeg sa mga sakop sa hunta probinsiyal ang Cebu Provincial Police Office (CPPO) sa pag-umol sa Task Group-Cebu Motorsiklo (TGCM) tungod sa pagkunhod sa gidaghanon sa krimen ning lalawigan.
Si Provincial Board member Juan Bolo nagkanayonsa iyang resolusyon nga ang Central Visayas maoy nanguna sa pinakadaghang krimen nga gihimo sa mgakriminal nga de motor itandi sa ubang rehiyon sa tibuok nasud.
Kini human ang record sa CPPO nagpakita nga mikabatog 13 ka mga kasong pagpanulis sa mga tulisang de motor ang narekord gikan sa bulan sa Septembre ngadto na sa Oktobre ning tuiga.
Matud pa ni Bolo nga sukad nga gilusad ni CPPO director, Sr. Supt. Carmelo Valmoria ang TGCM, tataw kaayo ang pagkibra sa mga tinulisay sa kalungsoran.
Kini tungod kayubay-ubay ang mga motoristang nasikop ug gisakmitan og motorsiklo kay mga walay mga papeles ang ilangmga sakyanan sa mga check points nga gipahigayon sa kapolisan.
Si Bolo mitumbok nga angayang ipadayon ang maong kalihokan sa CPPO aron mahibalik ang pagsalig sa katawhan ngadto sa kapolisan. – BANAT NEWS
- Latest
- Trending
