Iring hinungdan sa sunog

CEBU - Gumikan sa ginukdanay sa iring ug ilaga natumba ang lamparilya ngamaoy hinungdan sa pagkaugdaw sa usa ka balay didto sa barangay Pitalo niadtong Huwebes sa kaadlawon.

Ang nasunog nga ancestral housegipanag-iya ni Alfredo Manlosa, hingkod, nga taga San Fernando.

Si SFO4 Virgilio Gilig, fire marshal sa San Fernando Fire Station mibutyag sa Banat News nga natumba ang usa ka lamparilya nga gigamit nga suga sa pamilyang nagpuyo sa maong balaykay giingong nadasmagan kini sa iring nga mihambat sa gigukod nga ilaga.

Maayo nalang kay nakamata ang tibuok sakop sa pamilya ni Marlyn Fernandez ug nag-iyahay kini sa paggawas sa balay samtang mao pay pagsugod sa pagdilaab sa kayo.

Matud ni SFO4 Gilig nga tungod kay karaan ang maong balay dali kaayo kining gikaonsa kayo ug gani gamay nalay nahibilinsa balaysa ilang pag-abot sa maong lugar.

Midugang siSFO4 Gilig nga gipaputlan sa tag-iya og kuryente ang maong ancestral house kay wala makabayad sa binuwan nga obligasyon ang duha ka pamilya nga nag-abang niini ug wala na usab kini makahatagsa binuwang abangan sa balay.

 Maoy hinungdan nga migamit nalang kini og lamparilya nga suga. – BANAT NEWS