Panday nakuryentihan patay

CEBU - Nakuryentihan ug namatay ang usa ka panday human kini aksidenting makahikap sa mainline sa Cebu Electric Cooperative (CEBECO-I) sa dihang nadakin-as samtang nagtaodog atop sa usa ka pinuy-anansa barangay Cogon, lungsod sa Dumanjug, niadtong Lunes sa alas 2 sa hapon.

Angnakuryentihan mao si Lucilo Tecson,minyo, usa ka panday nga molupyo sa barangay Candabong sakop sa maong lungsod.

Matud ni PO2 Samuel Casipong sa Dumanjug Police Station sadihang nahinabi sa Banat News subay sa blotter niining gibasehan, ang biktima maoy nagtrabaho sa pinuy-anan nga gipanag-iya sa usa ka Edgardo Anggana nga nahimutang daplin sa karsada diin mag-agi usab ang mainline sa CEBECO-I sa ibabaw nga bahin niini.

 Samtang nagtaod sa sin nga atop ang biktimaaksidente kining nadakin-as ug tungod sa kahadlok nga matagak aksidente niining nahikapan ang mainline sa kuryente sa CEBECO-I nga igo lang milapaw og gamay sa atop.

Ang maong linya sa kuryente nga nahikapan sa biktima mao kini tinubdan sa kinatibuk-ang suplay sa kuryente sa maong lungsod ug ngadto na sa mosunod niining lungsod.

Tungod sa kakusog sa boltahe sa kuryente, mitapot ang biktima ug pagkahuman nalabay kini,apan maayo na lang gani kay wala matagak human masangit sa gutter sa atop.

Ang mga kauban nga panday sa biktima daling misaka sa atop ug mitabang sa biktima nga nagluko na sa gutter daplin sa atopnga milagom na ug wala nay panimoot. Gidali untakini pagdala sa Barili District Hospital apan gideklarar kini sa mga doktor nga dead on arrival. – BANAT NEWS