Santa Cops gilusad
Santa Cops gilusad kagahapon sa buntag sa kapolisan sa dakbayan sa Sugbu mismo atubangang bahin sa SM City Cebu sa may North Reclamation.
Ang maong kalihukan gipanguluhan mismo ni Police Supt. Marcelo Garbo Jr., Chief Regional Directorial Staff sa Police Regional Office (PRO-7), Sr. Supt. Patrocino Comendador, hepe sa kapolisan sa dakbayan sa Sugbu ug ang manager sa SM City Cebu nga si Sherry Tubella.
Atol sa maong kalihukan gipakita ngadto sa publiko ang 28 ka mga sakop sa Santa Cop nga gipanguluhan ni Sr. Insp. Sara Jane Recla, ang Deputy for Operations sa CCPO.
Si Sr. Supt. Comendador mipadayag nga gilusad ang Santa Cops agi og pagsaulog sa Pasko.
Matud pa niini nga ang kapolisan sa dakbayan sa Sugbu andam sa pagserbisyo sa katawhan adlaw sa pagsaulog sa Pasko.
Samtang si Supt. Garbo sa iyang bahin mipadayag nga ang Sta. Cop dili lang kini pa-“Pogi” kun dili nagpakita kini sa ilang ka-seryoso sa pagpakabana sa komunidad panahon sa Pasko labi na sa kahapsay ug kalinaw.
- Latest
- Trending
