DARE sa Gen. Santos ipatuman sa Cebu
CEBU - Ang programang Drug Abuse Reduction Education Inc.(DARE)nga gipatuman sa General Santos City sagupon usab dinhi sa Sugbu, matud pa ni Dangerous Drugs Board Undersecretary Atty. Clarence Paul Oaminal kagahapon.
Si Oaminal miduaw sa General Santos City uban kang Atty. Bernardo Calibo, Regional Director sa National Police Commission (NAPOLCOM-7) diin nasuta nila ang epektibo nga pagpatuman sa DARE program didto.
Matud pa ni Oaminal nga ang DARE gitudlo ngadto sa kabataang nagtungha sa elementarya ug sekondarya aron hisayran nila ang dautang idulot sa ilegal nga drugas ngadto sa mga tawong mogamit niini.
Matud pa ni Oaminal nga nagkasabot na sila si Director Calibo nga makigtambayayong sa Department of Education (DepEd) aron ang DARE program ikapatuman usab dinhi sa Sugbu karong sunod tuig uban sa pundo nga angayang igahin niini. (Guam P Logroño) (BANAT NEWS)
- Latest
- Trending
