SRU ug Army gi-deploy sa Danlag
CEBU - Gumikan sa padayong iligal nga pagpangubkob (quarry) og yuta diha sa barangay Danlag ug Lamak sa lungsod sa Consolacion nga gipasangil nga binuhatan sa mayor sa lungsod mipadala og mga sakop sa Special Reactions Unit (SRU) uban sa 78th Infantry Battalion ang lalawigan sa maong dapit aron mahunong kini.
Si Sr. Supt. Carmelo Valmoria nagkanayon nga ang kamandoan gikan kang Cebu Provincial Treasurer Roy Salubre ug buhatan sa Provincial Environment Natural Resources Office (PENRO).
Ang maong mga buhatan nibase sa Provincial Tax Ordinance No.2008-10 kon nailang The Revenue Code of Cebu 2008 Article E. Tax on Mineral Quarry and Sand and Gravel Resources nga nagpakitang nakalapas gyud ang maong lungsod.
Matud pa ni Valmoria ang tropa maoy mobantay sa mga checkpoints nga ibutang sa Provincial Treasurers Office ug PENRO aron ma-intercept ang mga trak nga manghakot og yuta sa maong lugar.
Si Gobernador Gwendolyn Garcia misang-at na og reklamo batok kang Mayor Avelino Gungob niadtong miaging adlaw diha sa Ombudsman Visayas tungod sa maong quarrying sa nahisgutang lugar nga walay ECC ug permit sa kagamhanan sa probinsya.
- Latest
- Trending
