CEBU - Samtang namatay ang usa ka sundawo sa Philippine Air Force (PAF) human mabangga sa gutter sa karsada ang gisakyan niining motorsiklo didto sa Cardinal Rosales Avenue, Cebu Business Park ning dakbayan niadtong miaging kaadlawon.
Ang biktima mao si Airman Ryan Ancuna, 20 , nga miyembro sa 205th Tactical Helicopter Wing Brigade sa PAF.
Sumala sa kapolisan nga nagsakay si Ancuna sa iyang motorsiklo kauban ni Marcelo Morales Jr., 21, nga miangkas kaniya dihang mibaliwliw lang og kalit ang motorsiklo niini ug nadasmag sa gutter sa karsada.
Gumikan niini nalagpot ang biktima ug ang iyang kauban apan dihang mitugpa na sila sa sementong karsada, nagrabihan pagkabusdak ang ulo sa biktima nga maoy hinungdan sa hinanali niyang kamatayon.
Si Morales nga kauban ni Ancuna anaa usab karon sa talandugong kahimtang sa Vicente Sotto Memorial Medical Center. – BANAT NEWS