Misa de Gallo may igong seguridad

CEBU - Mopakatap og daghang mga polis ang lalawigan sa mga kalungsoran ug dakbayan atol na sa pagsugod sa Misa Gallo karong Disyembre 16.

Kini maoy gipahibalo ni Sr. Supt. Carmelo Valmoria hepe sa kapulisan sa lalawigan sa Sugbu ug usa sa ilang bantayan og maayo mao ang mga dakbayan sa Talisay, Naga, Toledo, ug Bogo.

Sumala pa niini nga ila na karong gihang-ay ang ilang contingency plan alang na sa security arrangement nga ilang ipatuman atol sa Misa de Gallo.

Matud pa niini gitinguha nila nga masigurong luwas ang publiko nga mosimba atol na sa pagsugod sa maong misa nga gituuhang dagsaon usab og mga badlungon ug mga mapahimuslanon.

Napanglantawan ng daan ni Valmoria base sa mga kasinatian niini nga matag kapaskuhan mosiaw usab ang krimen ilabi na sa krimen may kalambigitan sa mga butang.

Walay tugutang mga polis ang maka-leave niining mga adlawa hangtud na sa pagtapos sa Bag-ong Tuig.   (BANAT NEWS)