Amahan gilatigo'g binugha

CEBU - Nagtibi nga misumbong sa kapolisan ang usa ka tawo human kini bunalig binugha sa iyang humablos didto sa barangay Tilhaong, lungsod sa Consolacion sa miaging gabii.

Ang biktima mao si Temoteo Gontenias, 33, minyo nga taga Tilhaong, samtang ang milatigo kaniyag dos por dos mao si Franklin Malocato, 25, ulitawo, anak sa pagkadalaga sa iyang asawa ug katipon niya sa pagpuyo.

Si SPO2 Rizalino Aligno sa Consolacion Police Station mibutyag sa Banat News nga gikalalis sa biktima ang iyang anak-anak ug dihang naupsan sa pailob, ang suspetsado mipunit kini'g binugha nga maoy iyang gilatigo sa iyang ama-ama.

Dihang nakita niyang nagtibi ang biktima sa kasakit sa iyang kalawasan, misibat dayon ang suspetsado ug hangtod ning pagbalita wala na gyud motunga sa ilang balay. – BANAT NEWS