CEBU - Lalaking maoy gipalukat sa prendadong laptop nabiktima sa pangilad human giikyasan sa usa ka lalaking midawat sa iyang kwartang iglulukat diha sa Osmeña Blvd. niadtong Huwebes sa hapon. Ang biktima nga si Eric Descallar, 26, taga Villagonzalo sa barangay Tejero, midangop sa kapolisan ug gireklamo ang usa ka Vincent Cañete nga maoy miilad kaniya.Sumala pa sa biktima nagkita sila sa suspetsado sa Lapulapu City pipila na ka adlaw ang milabay dihang siya maoy gipalukat sa laptop niini nga giprenda diha sa usa ka balay patantuhan diha sa Osmeña Blvd.Tungod sa saad nga siya maoy paguniton sa maong laptop wala magduha-duha ang biktima sa pagbayad og P13,500 ug gitunol niya kini ngadto sa suspek.Diha-diha nananghid si Cañete nga mangihi apan wala na kini mobalik hinungdan nga misumbong nalang sa mga polis si Descallar. – BANAT NEWS