Taga Pag-asa gikuotan

CEBU - Nidangop sa kapulisan ang usa ka nailang weather forecaster sa Philippine Astronomical Geographical Atmospheric Scientifical Administration sa Mactan human kini mabiktima sa pagpanguot sa lungsod sa Argao.

Ang weather forecaster nga biktima mao si Luciano Villamor, 55, molupyo sa Poblacion, Argao nawad-an sa iyang pitakang may sulod nga P2 mil ug mga importanteng dokumentos.

Matud pa ni PO1 Benjamen Gerozaga sa Argao Police dihang nahinabi sa Banat News Huwebes sa alas 9:50 sa gabii nahanaw ang pitaka nga dunay sulod nga P2,000.00, mga I.D. sa Pag-asa, Comelec, Medicare, Pag-ibig, Philhealth ug drivers license.

Giingong gikan siya sa South Bus Terminal sa dakbayan sa Sugbu ug nisakay sa bus pauli sa Argao apan paghiabot niya sa ilaha namatikdan nalang niyang wala na ang pitaka diha sa iyang bulsa. – BANAT NEWS