Roxas napikal

CEBU - Gibatig kapikal si Senador Mar Roxas batok sa administrasyon ni Presidente Gloria Macapagal Arroyo gumikan sa kahunit niini nga moatubang og kompromiso alang sa kaayohan sa katawhan sa nasud.

Atol sa budget hearing nga gipahigayon niadtong Biyernes sa buntag pinaagi sa Senate finance committee, ang Presidente sa Liberal Party gibatig kapungot batok sa mga economic managers ilabi na ni  Kalihim Gary Teves sa Panalapi kay wala kini maghunahuna og mga safety nets kon panagang aron dili kaayo mapiit ang nasud sa krisis nga nahitabo karon sa tibuok kalibotan.

Si Roxas mipasidaan sa kabug-at unya nga sagubangon sa nasud sa umaabot nga tuig gumikan niining kapakyas sa kagamhanan sa pagmontar og tukmang panukdanan aron sa pagsalbar sa kalisod unya sa panginabuhi sa umaabot nga panahon. - Romeo Limpangog (BANAT NEWS)