'Lapu' PNP gibawalan mag-solicit

CEBU - Gipasidan-an ang kapolisan sa dakbayan sa Lapulapu sa dili pagpangayo og mga pinaskuhan pinaagi sa solicitation letters sa mga negosyante.

 Si Lapulapu City Police OIC Director Sr. Supt. Mariano Natu-el Jr. mipagawas og kamanduan sa mga station commanders sa matag presinto nga dili mag- solicit alang sa nagsingabot nga Pasko.

 Si Sr. Supt. Alexander Abadinas sa Police Community Relations sa Police Regional Office-7 mipasidaang mag-atubang og kasong administratiba ang makalapas niini.

 Gipasabot ni Natu-el nga law-ay sa usa ka polis nga mangayo sa mga negosyante ug sa mga pribadong individual nga mapugos nalang sa paghatag gumikan kay usa kini ka awtoridad.

 Kini aron usab malikayan sa mga polis ang makautang og kabubut-on sa mga tawong mohatag unya kanila ug hasta ang ilang trabaho maapektahan. - Bong Soriano (BANAT NEWS)