Dalagita, 5 naluwas gikan sa ktv bar

CEBU - Unom ka mga babaye usa niini minor de edad ang nasalbar sa mga sakop sa Regional Special Investigation Units (RSIU) niadtong Miyerkules sa gabii sulod sa YBD KTV Bar diha sa National Highway barangay Pusok, dakbayan sa Lapulapu.

Mga sakop sa RSIU pinanguluhan ni Sr. Supt. Arturo Evangelista, hepe sa Regional Investigation Detective Management malampusong mi-rescue sa unom ka babaye usa niini 17-anyos samtang ang uban nag-edad og 19 ngadto na sa 32.

Matud pa ni Evangelista nga ang pagpang-ronda kabahin sa ilang programa sa Anti- Human Trafficking inabagan sa Department of Social Welfare and Development.

Nga usa sa ilang tumong nga ma-rescue ang mga batan-ong babaye nga gi-exploit niadtong mga illegal recruiter sa pagpasalig nga hatagan og trabaho apan mapunta na hinuon sa pagpakighilawas sa mga customer.

Matud pa niini nga si POI Ariel Llanes kinsa maoy nagpakaaron-ingnon nga kustomer mibayad   og P1,500 sa ilang pagkuha sa babaye.

Kasong kalapasan sa R.A. 9208 kon mas nailang Anti-Human Trafficking Law ang ilang ipasaka batok nila ni Bener Yorong, 44, tag-iya sa bar ug sa cashier nga si Nilda Cabatino, 25, ug ang gitawag nga assistant “Mamasang” nga si Liza Morre, 22. - BANAT NEWS