Written exam sa driver gisupak

CEBU - Dili pabor si Cebu City Councilor Jack Jakosalem sa plano sa Land Transportation Office (LTO) nga ipaubos sa written exam ang mga driver nga mo-renew sa ilang lisensya.

Ang konsehal nga maoy chairman sa Committee on Transportation sa City Council niingon nga wala na kinahanglana ang maong matang sa pasulit.

Kini tungod kay ang mga aplikante nga mulukat og driver’s license ipaubos nang daan sa nagkadaiyang matang sa examinations.

Lakip na niini ang written, practical ug medical examinations nga nag-unang mga rekisitos sa paglukat og professional driver’s license.

“Para nako dili na siguro angayang buhaton na ngadto sa mga driver kay ipaubos gud na sila sa exam kung mulukat og lisensya, ug makapasar, igo na to,” sumala ni Jakosalem. – BANAT NEWS