Deed of sale sa 93-1 gipanghatag

CEBU - Laing 85 ka mga pamilyang nagpuyo sa yuta sa kagamhanan sa lalawigan ning dakbayan sa Sugbo nakadawat sa deed of absolute sale(DOAS) sa 93-1 nga mga lote gikan kang Gobernador Gwendolyn Garcia kagahapon sa buntag.

Ang nakadawat sa 93-1 project mao ang 51 ka pamilya nga taga Barrio Luz, 4 sa Mabolo, 11 sa Lorega, 2 sa Busay, 11 sa Capitol, samtang ang ubang mga barangay may nadawat og tagsa ug duha ka DOAS sama sa T. Padilla, Apas   Lahug, ug uban pa.

Si Provincial board member Juan Bolo kinsa maoy chairman on property sa lalawigan nagkanayon nga kini maoy ikaduhang higayon sa pagpanghatag og DOAS nga gihimo sa Kapitolyo ngadto sa mga benepisyaryo sa 93-1 nga mga lote. 

Hinuon ang mga opisyales sa naasoy’ng barangay nihangop sa pagpapirma kanila og memorandum of understanding aron pagsuta ug pagtino nga dili na sila mahimong sayunsayonon nalang sa pagpapahawa gikan sa ilang pinuy-anan sa yuta nga iya sa gobyerno sa lalawigan ubos sa 93-1 project. – BANAT NEWS