CEBU - Usa ka linog ang mitay-og sa tulo ka lugar sa Sugbu gibana-banang 1:14 kagahapon sa hapon apan walay gikatahong danyos nga natala sumala pa sa Philvocs-7.
Si Rolando Montañez sa pakighinabi sa Banat News mibutyag nga ang naigong lugar mao ang Linao,Minglanilla may gikusgong intensity 3; Cebu City intensity 3 ug intensity 2 usab sa Mandaue City.
Ang maong linog tectonic ang origin kun paglihok sa yuta ug bato sa ilawom sanglit way bulkan dinhi sumala pang Montañez apan bisan sa kahinay niini nabatyagan gihapon kini tungod kay may gilawmong 5 kilometros ang milihok nga yuta diha sa ilawom sa kadagatan sa Talisay ug Minglanilla gibana-banang 16 kilometros gikan South West sa Cebu City.
“We don’t expect damage ingon ini kahinay,” asoy pang Montañez. (BANAT NEWS)