Upat ka VKM nasakmit

CEBU - Upat ka video karera o makinang pasugalan ang nasakmit sa gipahigayong pagpangronda sa kapolisan niadtong Sabado sa hapon diha sa duha ka sitio sa barangay Tanke, dakbayan sa Talisay.

Apan walay mga caretaker ug namusta sa maong makinang pasugalan ang naapil sa pagsikop sa mga polis.

Ang nahisgutang pagpangronda ang gipangulohan ni Senior Inspector Jovito Canlapan officer in charge sa Talisay City Police Station.

Usa sa maong VKM ang nakuha gikan sa balay ni “Inday Yawa” sa sitito Magay samtang ang tulo niini ang nakuha gikan sa balay ni Lomat Dabasol ug sa usa ka wala mailhing care- taker diha sa sitio Galaxy.

Ang nahisgutang mga makinang pasugalan ang naa karon gipundo sa police station sa barangay Poblacion.

Kahinumduman nga human sa higpit nga kampaniya sa mga opisyal sa siyudad ug kabarangayan batok sa mga VKM nahilom kini sa pila ka buwan.

Apan gikataho nga adunay operator og VKM nga gikan sa silingang dakbayan sa Talisay nga maoy giingong nag-operate karon sa siyudad. (BANAT NEWS)