DOT ug BI nagtinabangay

CEBU - Aron maatiman ug di makasinati og di maayong kasinatian ang mga turista nga makadaot sa imahe sa Pilipinas magtinabangay ang Department of Tourism (DOT) ug Bureau of Immigration (BI)-7 pag-atiman kanila.Naglinagdaay og memorandum sila si Secretary Joseph “Ace” Durano sa Department of Tourism ug ingon man ni Commissioner Marcelino Libanan sa BI-7 aron palig-unon ang koordinasyon sa ilang mga buhatan.

Diha palang sa Mactan-Cebu International Airport monitoron nang daan sa duha ka ahensya ang langyaw ug lokal nga turista aron sila matagad og maayo.

Tuyo niini nga masolusyonan dayon kung dunay mga problema ug reklamo ang mga langyaw nga mibisita dinhi.

Matud ni Durano dili na unya magproblema pa ang mga langyaw'ng ug lokal nga turista nga mobisita dinhi sa nasud tungod kay di lang sila moduol sa BI-7 kundili lakip na sa ilang duolan ang Department of Tourism nga kasumbongan sa higayon nga dunay masugatang problema ang mga turista.

Sa iyang bahin si Libanan nagkanayon nga mas modaghan pa ang mga turista nga moanhi dinhi sa nasud kung masayod silang luwas ug may maayong programa dinhi alang kanila. – BANAT NEWS