CEBU - Nagmalampuson ang gihimong “blood letting” activity sa mga sakop sa Naval Forces Central isip pasiunang kalihukan sa ilang nagsingabot nga ika-31 nga anibersaryo karong umaabot nga petsa 24 ning bulana.
Matud pa ni Lt. Cristina Aurellano ang maong kalihukan gisuportahan sa mga reservists sa University of Cebu Lapulapu and Mandaue (UCLM) NROTC cadets ug nagdala sa temang “Dugo ko, Buhay mo.”
Atol sa maong kalihukan nakatigum sila og 33,300 cc nga dugo gikan sa 74 ka mga personel sa Navy nga midonar niini.
Target sa Navforcen nga makakuha og 70 ngadto sa usa ka gatos ka tawo nga makadonar og dugo aron mahatag sa mga magkinahanglan.
Karong umaabot nga Oktobre 24 dugang pang mga kalihukan nga himoon ang Navforcen. (BANAT NEWS)