20 motor para sa CCPO

CEBU - Kapulisan sa dakbayan sa Sugbu aduna na unyay mga bag-ong mga motorsiklo nga magamit sa ilang operation batok sa mga kriminal nga magsakay og mga motorsiklo.

Matud ni Sr. Supt. Patrocinio Comendador, director sa Cebu City Police Office si Konsehal Sylvan “Jack” Jakosalem mipasalig kaniya nga ang kagamhanan sa dakbayan sa Sugbu mohatag og 20 ka mga 150cc motorcycles.

Kini aron ilang magamit sa operations sa “Task Force Motorcycles” batok sa mga motorcycle criminals nga padayong nihimo’g krimen dinhi sa dakbayan.

Sumala pa niini nga dako’g ikatabang ang maong mga motorsiklo sa ilang operation tungod kay dili ikalimod nga kulang sila’g kahimanan. – BANAT NEWS