Misuborno sa PASG nakapiyansa

Napasakaan na og kasong corruption of public official kagahapon sa hapon diha sa Cebu City Prosecutors Office ang usa ka babaye ingon man driver kinsa nisuway’g suborno sa mga elemento sa Presidential Anti-Smuggling Group (PASG-7) bugti sa pag-release sa mga pinutol nga punoan sa lubi.

Si Fernando Samontañez, clerk sa administration sa PASG-7 nga gikahinabi sa Banat News nagkanayon nga mga alas dos pasado sa hapon kagahapon ilang nasang-at ang kaso batok kang Evangilyne Vibiar taga barangay Pahina Central ug Laureto dela Serna, driver sa container van.

Matud pa niini nga human ma-inquest ang duha ni piskal Climaco Labata dali usab kaayo kining nakabutang og piyansa nga tag P16 mil matag usa alang sa temporaryong kagawasan.

Ang mga pinutol nga punuan nga lubi nga mokabat sa 8 mil ka board feet nga mokantidad sa P10 mil   ilang i-turnover karong adlawa sa buhatan sa Philippine Coconut Authority.

Nasayran nga sila si Vibar ug dela Serna nasikop sa iha sa may Cebu International Port human nidunol og P12 mil   nga suborno ngadto kang Noel Villamor, intelligence operative sa PASG-7.

Apan sa report sa Balitang Bisdak kagahapon ang mga suspek mipasangil nga sila maoy gihingian sa mga sakop sa PASG-7.

Gumikan kay mao nalay nabilin sa ilang salapi mao nalang kini ang ilang gihatag apan gidakop hinuon sila, ang pasangil gihimakak hinuon sa PASG.