1 patay sa aksidente

CEBU - Patay diha-diha ang usa ka habal-habal driver human madisgrasya ang iyang gimanehong motorsiklo sa kurbadahon bahin sa sitio Canooy barangay Bulasa sa lungsod sa Argao niadtong Lunes sa alas 7:30 sa gabii.

Patay dihadiha si Feliciano Sarsaba, 48, molupyo sa sitio Tonggo, Taloot sakop sa maong lungsod.

Matud ni PO1 Eddie Semilla sa Argao Police dihang nahinabi sa Banat News gikan sa Taloot ang biktima ug paingon sa lungsod sa Argao.

Apan paghiabot sa maong lugar kalit lang misaliring ang motor tungod sa kakusog sa dagan niini ug nalabay gikan sa motorsiklo ang biktima.

Gidali pagdala sa Isidro Kintanar Memorial Hospital sa lungsod sa Argao ang biktima apan gideklarar kini nga dead on arrival. – BANAT NEWS