Kaso ni Joavan gituki na
Kompleto na ang mga plano sa kapolisan sa pagpatunhay sa kalinaw ug kahusay atol sa ipahigayong “Halad Inasal Festival” sa Talisay City karong Oktubre 15, 2008.
Gimitingan na sa mga kadagkoan sa maong dakbayan kining maong kalihukan niadto pang Huwebes pinaagi sa pagpanguna ni Mayor Socrates Fernandez.
Ang mitambong sa maong miting nga gihimo sa buhatan sa mayor mao ang mga hepe sa nagkalainlaing departamento nga naglakip sa hepe sa kabomberohan, Filipe Canillas, Warden sa Bureau of Jail and Management and Penology sa Talisay City Jail, Johnson Calub ug ang officer in charge sa Talisay Police Station, Senior Inspector Jovito Canlapan .
Si Canlapan mibutyag sa mga tigbalita nga mohangyo siya sa ilang provincial headquarters aron padad-an sila og dugang 50 ka pulis nga makatabang kanila og bantay sa maong piyesta.
Sa pagkakaron gipaabot pa ni Canlapan ang listahan sa mga programa matag adlaw sa dili pa ang Oktubre 15, aron maandam usab niya ang ilang security plan.
Gipangandaman kini pag-ayo sa kagamhanan ug gani migahin kini og P2 milyones alang sa pagpapintal sa tibuok city hall ug sa pagtapak sa mga gagmay’ng mga liki sa bong-bong niini.
- Latest
- Trending
