Armas sa polis gikawat

CEBU – Usa ka polis nga mitambong og kasal ang gikawatan sa iyang armas human gilungkab ang sakyanan sa iyang kaubang police nga gi-parking niadtong Sabado sa buntag diha sa parking area sa Cathedral Church, Legaspi St., corner Mabini St., barangay Sto. Niño ning dakbayan.

Usa ka wala mailhing suspetsado ang milungkab sa sakyanan nga gipanag-iya ni Insp. Allan Cuizon, may plaka nga TBK 992 Toyota Lite Ace color gray, ang giablihan pinaagi sa paggamit og false key.

Base sa report sa Theft and Robbery Section (TRS) sa Cebu City Police Office ang nireklamong police giila nga si Insp. Meche Gaste Gabod, 35, residente sa Deca Homes, barangay Cubacob, dakbayan sa Mandaue.

Si Gabod ang nakuhaan sa iyang Louis Vuitton bag, usa ka 9mm Bereta pistol uban sa mga bala niini, cellular phone nga nagkantidad sa P2,800.00; P900 cash ug PNP ID.

Samtang ang ikaduhang biktima mao si Araceli Mercado Cuizon kansang bag gikuha nga may sulod nga cash P5 mil pesos, nagkadaiyang cards Phil health, SSS ug uban pa. – BANAT NEWS