CEBU – Dunay halapad nga ipatumang lahugay sa Cebu City Police Office sa tanang hepe sa police stations ug sa mga special units niini sugod karong Lunes petsa 15 ning buwana.
Si Sr. Supt. Patrocinio Comendador, director sa Cebu City Police Office (CCPO) mitug-an sa mga tigbalita nga ang Camp Crame maoy naghimo sa maong kamanduan ug giduso ngadto sa National Police Commission kinsa mao nay nipatuman niini base sa Napolcom circular 2008-004.
Ang Napolcom circular nagmando nga dili na mahimong Superintendent ang hepe sa usa ka police station, ang mga nagranggo niini anha na niya ibutang sa CCPO Office isip mga staff officers.
Sugod karong Lunes si Sr. Insp. Bonifacio Garciano na maoy molingkod isip hepe sa Pari-an Police Station, si Sr. Insp. Arnel Banzon sa Fuente Police Station ug magpabilin nga hepe sa SWAT.
Si Sr. Insp. David Señor mao nay bag-ong hepe sa Waterfront Police Station ; Chief Insp. Claudio Casiban sa Mabolo Police Station; Sr. Insp. Pedro Cabildo sa Carbon Police Station ; Sr. Insp. Renerio Agustin sa San Nicholas Police Station; magpabilin si Sr. Insp. Aureo Sanchez sa Pardo Police Station; Sr. Insp. Fructoso Lim sa Talamban Police Station; Sr. Insp. Pedro Quevedo sa Guadalupe Police Station ; Sr. Insp. Gilberto Abellas sa Punta Princesa Police Station ug Sr. Insp. Danilo Escoves sa Mambaling Police Station 11.
Matud ni Comendador sa onse ka gihulipang police station chiefs siyam niini ang mopailawom og schooling sulod sa tulo ka buwan sa Public Safety Officer Advance Course diha sa Regional Training School (RTS)-7.
Naglaraw usab si Comendador nga usahon nalang ang Crime Scene Investigation Section ug Homicide Section kay parehas lang sila og function sa trabaho. – Banat News