Dalagita gilugos

Gipainom og ilimnong makahubog ug pagkahuman gidala sa kalibunan ug gitabangan og lugos sa upat ka batan-ong lalaki ang usa ka 17-anyos nga dalagita nga taga siyudad sa Mandaue kinsa nisuroy aron sa pagtan-aw og intramurals sa usa ka pampublikong tunghaan sa lungsod sa Consolacion.

Nahitabao ang pagpanglugos sa kalibunan sa Villaroca, Poblacion Occidental, Consolacion alas 10:25 niadtong Biyernes sa gabii.

Gitumbok nga miabuso kaniya og lugos mao ang usa ka Angelo Jarapan, 19; Carlo Bentulan, 20; Daniel Lepiten, 19 ug Joriz Pedrorano, 18, pulos molupyo sa barangay Nangka, Consolacion.

Ang kapulisan sa maong lungsod nakadawat og tawag sa nagpailang concerned citizen ug nisumbong kabahin sa grupo sa mga batan-ong lalaki nga dunay kuyog nga usa ka babaye sa maong lugar.

 Sa pag-abot nila ni SPO3 Hercules Aligno, PO3 Allan Maglangit ug mga sakop sa Barangay Intelligence Network (BIN) naabtan pa ang grupo sa maong dapit.

Matud ni PO1 Nelson Sadile sa Consolacion Police dihang nahinabi sa Banat News positibong giila sa biktima si Jarapan nga maoy nilugos kaniya samtang nagtan-aw ang tulo ka mga kauban niini.

Matud ni PO1 Sadile ang suspek nga si Jarapan mao ray positibong gitumbok sa biktima nga maoy nakahilabot kaniya.

Nagduda ang kapulisan nga posibleng tabangan unta paglugos ang biktima sa mga suspek kung wala pa maabti.