CEBU - Laing 35 ka patay’ng lawas sa nalunod nga M/V Princess of the Stars ang nailhan pinaagi sa DNA testing sa Disaster Victim Identification- Information Management Center (DVI-IMC).
Si Ronald Noble, Interpol Secretary General ug ang National Bureau of Investigation (NBI) kahinumduman nga mipahibalo nga ang DVI-Incident Response Team (IRT) ang nagtumong sa pag-ila og napulo ka biktima matag semana.
Apan ang rate sa team’s effort ang milapas sa ilang target diin nahimo kining doble kinsa ang DVI experts ug ang representante gikan sa International Commission on Missing Persons (ICMP).
Ang mga pamilya sa mga nabiktima sa bagyong Frank kinsa wala pa makahatag sa ilang mga DNA sample ngadto sa DVI-IRT forensic expert ang giawhag sa pagtawag sa mga numero sa telepono (032) 416-5025 o (032) 253-8730 alang sa kasayoran sa DNA testing process.
Ang maong mga numero sa telepono ang dunay mag-atang niini gikan sa alas 8:00 sa buntag hangtud sa alas 12:00 sa udto ug 1:00 sa hapon hangtud sa alas 5:00 sa hapon gikan sa Lunes hangtud sa Biyernes. – BANAT