3 Koreans nag-unay, 3 angol

CEBU - Tulo ka mga Korean nga gikan sa disko ang nalandig sa tambalanan human kini nagkadinunggabay mga alas 5:45 kagahapon sa kaadlawon diha sa may President Roxas St., barangay Mabolo ning dakbayan.

Ang tulo nga nalandig sa managlahing pribadong tambalanan ning dakbayan giila sa kapulisan nga sila si Jun Jun Eaya, hingkod ang panuigon, Rol Ce alias “Gerald”, 28, kasamtangang nagpuyo sa Banilad ning dakbayan, Hun Cho Ji, 31, kasamtangang nagpuyo sa Guizo, Mandaue City.

Sa imbestigasyon nila ni SPO2 Rey Cuyos ug mga kaubanan sa Homicide Section sa Cebu City Police Office   ang tulo uban sa ilang mga higala gikan sa Pump Disco sa Arch. Reyes ning dakbayan.

Gikataho nga ang unang biktima nga si Jun uban ni Rol ug Mary Rose Dela Rosa (usa sa testigos) sakay sa yellow sports car (YGR-538) nga nihunong sa atubangan sa panimalay sa laing testigos nga si Zaide Seville.

Si Jun ug Hun nanganaog sa tagsa-tagsa ka sakyanan nga nideretso sa pagsinukmagay hinungdan sa pagkahagba ni Jun sa karsada nga nakaangkon og samad dinunggaban sa walang bahin sa iyang buko-buko.

Si Rol nga nakakita sa hitabo daling nikanaog sa sakyanan mao na usay gika-konprontase ni Hun nga nagkalayogay ang duruha nga niresulta nga nadunggaban usab kini sa walang bahin sa lawas, samtang si Rol nakaangkon og gisi sa ulo ingon man samad sa tuong kamot.

Si Jun gidala usab sa mga sakop sa MPG car 106 sa Perpetual Soccuor Hospital.

Dugang nakuhang impormasyon sa kapulisan nga nagsugod ang away sa maong mga Koreans giingong didto pa sa maong diskohan.