Nanguha’g kaka gipatay
Gumikan lang sa pagpanguhag “damang” kon kaka duha ka managhigala ang gitabangan og dunggab sa upat ka mga lalaki diin
Ang namatay giila sa kapulisan nga si Roberto Abendan, 29, taga Japper, Sto. Niño, barangay Quiot human nakaangkon og samad dinunggaban sa kalawasan.
Samtang naangol ang kauban niining si Roland Aligato, 31, construction worker, residente sa Upper Green Built sa nahisgutang barangay human makaangkon og samad dinunggaban sa buko-buko ug walang abaga.
Sa imbestigasyon nila ni SPO4 Alex Dacua sa Homicide Section sa Cebu City Police Office ang biktima naabtan nalang sa mga kabanay diha sa kasagbutan sa naughan nga sapa nga wa nay kinabuhi.
Ang biktima nga si Aligato nga niasoy sa mga imbestigador sa kapulisan nga siya ug si Abendan naabot sa maong lugar aron mangita’g “damang”.
Apan samtang naglakaw sila sa dalan kalit lang silang gipang-atake sa upat ka mga wala mailhing tawo ug gipanunggab apan siya swerteng nakadagan bisan nadunggaban na sa bukobuko ug nabilin si Abendan.
Si Aligato ang nagpaalim pa sa Cebu City Medical Center (CCMC).
Sa gipahigayong imbesti-gasyon nakuha didto sa crime scene ang duha ka mga sundang ingon man mga sakuban.
- Latest
- Trending
