Ex-convict gipatay

Giatngan ug gidunggab patay makadaghang higayon ang usa ka ex-convict nga nabilanggo na sa kasong pagpatay diha sa gitrabahoan niining ihawan duol sa merkado publiko sa barangay Poblacion lungsod sa Balamban, Cebu kagahapon sa alas 2:00 sa kaadlawon.

Ang biktima nga nakaangkon og tulo ka mga samad dinunggaban sa dughan nga nagbuy-od sa maong lugar mao si Dionisio Valencioga Adolfo, 39, molupyo sa sitio Pili barangay Prenza sa maong lungsod.

Samtang wala pa mailhi sa kapulisan ang mamumuno sa biktima nga gidudahang posibleng dunay dakong kalagot ngadto kaniya.

Matud ni SPO2 Arvie Banate, imbestigador sa Balamban Police dihang nahinabi sa Banat News naglisod sila pagtumbok sa responsable tungod kay daghang atraso ang biktima sa ilang lugar.