10 Biktima Sa 'Stars' Nailhan
Matapos na gyud ang dugay nang pagpaabot sa napulo ka pamilya aron makuha ug madala pauli ang ilang mga minahal sa kinabuhing nabiktima sa trahedya sa pagkalunod sa barkong MV Princess of the Stars.
Kini human gipagawas na sa National Bureau of Investigation –Disaster Victims Identification inabagan sa International Police –Incident Response Team ug International Commission for Missing Persons ang labing unang 10 ka resulta sa DNA test.
Ang maong batch na-clear na aron ma-claim sa mga kabanay human mapirmahi ni Dr. Renato Bautista, head of the NBI-DVI team.
Si Interpol Secretary General Ronald Noble ug ICMP Director General Kathryne Bomberger mitambong usab sa maong kalihukan ug gani nakig-estorya pa sa mga kabanay sa mga biktima.
Ang resulta sa deoxyribonucleic acid (DNA) niabot pa niadtong milabay'ng semana ug human ma-clear sa NBI-DVI ug ICMP-Cebu gipanawgan dayon ang mga kabanay sama sa gisaad sa awtoridad.
Ang maong mga DNA results gikan sa pa sa
Ang femur bone specimen gikan sa mga naugkat nga mga patay gikan sa Romblon gikumparar sa nakuhang mga ante mortem specimen gikan usab sa lama sa dugo sa mga kabanay sa mga biktima.
Ang napulo ka mga nailhan na pinaagi sa DNA testing pulos mga pasahero sa barko sa Sulpicio sumala pang Bautista, samtang duna pay laing 15 ka mga DNA results nga gipailawom pa og makuting profiling apan dia na sa Sugbu.
Kun kini ma-clear na sa Identification Board tawgan dayon ang ilang mga kabanay aron ilang makuha ang mga patayng lawas nga gihipos karon diha sa mga refrigerated vans sa Cebu International Port.
Ang napulo ka mga nailhan na pinaagi sa DNA testing mao sila si Ephraim Tayontong Jr.36 nga taga Western Poblacion, Poro, Camotes Island,Cebu; Benedict Tibon, 30, taga Placencia Cmpd. sa barangay Tipolo, Mandaue City; Pedro Yurag, 59, taga Kawit Medellin,Cebu; Henry Tiro, 31, taga Datag Cansubing, Cordova,Cebu; Eric dela Cruz,Jr.,34, taga Martires, Cebu City; Julito Laurente Abaño, 36, taga Purok 6, barangay Linao, Ormoc City; Mercedita Escuadro Adolfo, 29, taga Calabong, Dumanjug Cebu; Jonathan Gutual Antimaro, 38, taga sitio Laguna, barangay Bato Toledo City; Dario Ano-os, 31, taga Magay Daanbantayan, Cebu ug Prescilla Tulda, 29, nga taga Magsaubay Maya, Daanbantayan, Cebu.
Ang NBI-DVI ug Interpol-IRT-ICMP dinhi sa Sugbu mipadala og kapin 300 ka femur bone samples ug 1,600 DNA samples gikan sa mga kabanay ang gipadala ngadto sa Uropa alang sa cross matchings.
Sa kapin 300 ka mga patay'ng lawas nga naugkat, 40 niini nailhan pinaagi sa fingerprinting, dental records ug uban pang tradisyonal nga pamaagi gawas sa DNA tests.
Giklaro hinuon sa awtoridad nga di tanang mga narekober nga lawas diha sa Romblon ug ubang parte sa maong rehiyon di tanan gikan sa barkong Princess of the Stars kundili lakip na niini ang sa mga panagatang nalunod dungan sa pagkalunod sa barko sa Sulpicio Lines Inc.
Samtang ang mga kabanay sa mga biktima gipasaligan sa SLI nga tabangan sa gastos sa pagdala sa mga lawas human ma-clear sa Identification Board.
Wala tuguti ang mga sakop sa media nga makakober sa gihimong misa requiem kagahapon aron respetuhon ang kasubo sa mga kabanay apan nianang pagkaalas onse sa buntag dunay gihimong press conference kabahin sa bag-ong kalambuan.
Mitambong sa maong press conference sila si Cebu City Mayor Tomas Osmeña and Vice Mayor Michael Rama ug PRO-7 director ug Regional Disaster Coordinating Council chairman Chief Supt. Ronald Roderos.
- Latest
- Trending
