Salimbangon mohatag og P.5M nga pabuya

Nitanyag og P500 mil nga ganti si Kongresista Benhur Salimbangon sa ika-upat nga distrito sa lalawigan sa Sugbu alang sa makahatag og impormasyon sa mga responsable sa pagmani-obra sa resulta sa nilabay’ng eleksiyon sa lungsod sa Santa Fe, Madredijos ug siyudad sa Bogo.

Gibutyag ni Salimbangon atol sa interview sa sibyaanang DYDD naklaro na sa gihimong pag-testify sa mga magtutudlo sa maong mga lugar atol sa gipahigayong imbestigasyon sa House of Representatives Electoral Tribunal nga mga taga Manila ug walay labot ang mga magtutudlo sa maong mga binuang.

Nagkanayon ang Kongresista nga nahibaw-an nga gihimo ang pagmani-obra sa resulta sa nilabay’ng eleksiyon sa maong mga lugar didto na sa mga munisipyo sa nahisgutang mga lungsod hinungdan nga kapin sa 100 na lang ang iyang labaw imbes sobra sa 4,000 botos batok kang Celestino “Tining” Martinez III.

Matud ni Salimbangon nga duna gyud siya gigahin nga pundo alang niini ni bisan kinsa ang makahatag og inpormasyon nga taga kwatro distrito.

Sa nasayran si Martinez ug Salimbangon maoy nagpapili sa pagka Kongresista sa ika-upat nga distrito sa milabay’ng eleksiyon.

Gani nahitabo nga nasukmagan sa mga supporters ni Mayor Celestino Martinez Jr. ang photographer sa Sunstar Cebu nga si Alex Badayos human miulbo ang tensiyon diha sa siyudad sa Bogo sa dihang gikuha ang ballot boxes sa taga Comelec.