‘Supergirl’ giila
Gihatagan kagahapon og pasidungog sa kadagkoan sa National Disaster Coordinating Council ug Office of Civil Defense ang 6-anyos nga batang babayeng miluwas sa iyang manghod ug ig-agaw sa sunog diha sa ilang panimalay sa Banawa, Guadalupe niadtong milabay’ng tuig.
Si Chevaune Julve, gipakpakan og maayo sa mga representante sa nagkadaiyang government agencies kagahapon atol sa pagpanghatag og pasidungog sa nagkadaiyang ahensya ug non-government sector tungod sa malampusong pag-atubang sa katalagmang miigo sa Central Visayas.
Si Chevaune nga manggiuwawon kaayong bata dihang gihinabi sa Banat News kabahin sa iyang gibati sa paghatag sa pasidungog igo rang nitubag og “thank you.”
Matud pa niya gusto niyang mahimong magtutudlo tungod kay gusto kaayo niyang manudlo sa mga bata.
Mas naila si Chevaune nga nitungha na sa grade one ug nailhan sa iyang mga classmates diha sa
Ang “scholar” nga tawag kaniya matud pa sa iyang inahang si Preciosa maoy nakapahingangha sa bata maong kanunay kining magpangutana kaniya kabahin niini.
Apan gumikan kay wala pay kasigurohan ang kaniadto gisaad kaniya ni Cebu City Mayor Tomas Osmeña walay matubag si Preciosa sa iyang anak hangtud nga may sakop sa media nga miadto sa ilang balay ug nagpangutana kabahin niini.
Giklaro ni Preciosa nga wala siya manawag og media ug iya ra usab gitubag sa kung unsay tinuod nga wala pa gyud sila mahatagi og katin-awan bahin niini.
Human sa pagguwa sa maong isyu sa media personal siyang gibisita ni Margot Osmeña, ang kapikas sa mayor ug gipasabot nga ang scholarship ni Chevaune adto pa magsugod sa high school ug college.
Si Chevaune maoy niluwas sa iyang manghod nga si Tantan,5, human masunog ang ilang balay ug siya sad ang mitawag sa iyang amahan aron masalbar usab ang ig-agaw nga si Tipan, 3-anyos.
- Latest
- Trending
