Balaudnon pagrespeto sa patay gihangop
Gihangop sa marketing staff ug kanhi embalsamador sa
Ang maong buhat gikataho nga gihimo sa ubang mga embalsamador sa pipila ka mga punerarya ilabi na kung dalaga ug maanyag ang mamatay nga ilang embalsamar.
Kini ang hinungdan nga gipalabang ang nahisgutang balaudnon sa senado human usab mokatap ang taho nga dunay mga tawo nga makighilawas sa mga patay.
Gani niingon si Bertulfo nga siya nakadungog na usab ug ingon niini nga kaso apan kini nidugang hinoon nga wala pay namatud-an sa maong akusasyon.
Ang balaudnon nga gipalabang nila ni Senador Chiz Escudero ug Richard Gordon gitawag og “An Act Criminalizing Necrophilia o Carnal Knowledge with the Dead.”
Niingon si Bertulfo nga nindot ang nahisgutang balaudnon aron masilutan na ang mga tawo nga mohimo sa maong linuog nga buhat.
Ubos sa balaudnon mahimong mamultahan og hangtud sa tunga sa milyon ka pesos ug mabilanggo og prision mayor hangtod sa reclusion temporal ang makalapas niini.
Apan mas taas nga multa ug silot ang nagpaabot, kung ang makighilawas sa patay mao ang mga tawo nga gisaligan niini sama sa mga embalsamador.
Gipaniguro hinoon ni Bertulfo nga kini dili mahimo sa mga embalsamador sa Rolling Hills tungod kay bildo ang ilang morgue ug mahimong makatan-aw ang tagtungod sa embalsamahon.
Sugyot ni Bertulfo ngadto sa mga proponent nga isukip sa balaudnon niini ang pag-require sa mga punerarya nga butangan og bildo ang lugar nga embalsamahan.
“Mas maayo gyud nga bildo ba aron makatan-aw ang mga tagtungod samtang giimbalsamar ang patay aron malikayan pud ang mga pagduda,” dugang pasabot ni Bertulfo.
Nasayran sa Banat News nga gawas sa Rolling Hills, pipila pa lang ka funeral homes sa dakbayan ang dunay bildo o viewing room sa ilang embalsamahan.
Gitataw sa balaudnon nila ni Escudero ug Gordon nga giaprubahan na sa ikaduhang pagbasa, nga kinahanglang tahuron ug dili panamastamasan ang mga patay.
- Latest
- Trending
