Sunog sa Badian giimbistigar

Padayon pang gi-imbistigar sa kabomberohan sa lungsod sa Badian ang pagkasunog sa  panimalay sa pamilyang Caingcoy  didto sa barangay Calangcang, sa  alas 12:20 sa milabay'ng kaadlawon. Matud ni FO3 Joselito Villarubia, fire investigator sa Badian Fire Department  dihang nahinabi sa Banat News nga   hingpit gyud nga naugdaw ang tibuok panimalay tungod kay ginama kini sa mga gaan nga materyales.

Hinoon walay na-angol ug nakalas sa maong hitabo tungod kay ang tag-iya niini nga si   Colastico Caingcoy, 60, wala man diha magpuyo kay  mibakasyon kini kuyog sa tibuok pamilya ngadto sa Dumaguete City.

Busa naugdaw gyud lakip na ang tanang mga butang nila sulod sa maong balay.

Sa pagama ning balita padayon pang gitino sa kabomberohan  kun tinuyo o aksidente ba ang maong pagkasunog ug gisuta pa usab ang katibuk-ang kadaot sa maong sunog.