P150 mil danyos sa sunog

Mokabat sa P150, 000 ang gibilin nga danyos sa sunog sa usa ka establisamento nga nagpundo og daghang mga pintal sa barangay Tingob, dakbayan sa Mandaue nga nasunog alas 5:41 ang takna sa Huwebes sa hapon.

Si FO3 Cefriano Codilla, imbestigador sa Bureau of Fire Protection (BFP) sa dakbayan sa Mandaue nga nahinabi sa Banat News miingon nga ang nasunog mao ang Universal Solvent Inc. nga gipanag-iya sa negosyante nga si Henry Yap.

Dugang pa niya nga ang maong sunog nga ilang gipaubos sa 2nd alarm ang ilang nakontrolar ang pagkaylap sa kalayo sa paglabay sa 3 minutos ug hingpit nilang napawong sulod sa usa ka oras.

Si Codilla miingon nga sa ilang pakisusi nagsugod ang kalayo sa atop sa bodega nga gipundohan sa mga pintal ug gikan didto nikatap kini sa tibuok edipisyo, gikatahong dunay mi-spark sa usa sa mga suga niini.

Hinuon si Codilla walay gikataho nga nakalas o naangol niini.