Gisusi karon sa kapolisan kung dunay foul play ang kamatayon sa usa ka ginang sulod sa ilang pinuy-anan sa sitio Libaong barangay Saavedra lungsod sa Moalboal niadtong Sabado sa 1:00 sa hapon.
Ang nakit-ang patay nila ni PO2 Edgar Mantalaba kauban ang Municipal Health Officer nga si Dr. Cesar Mahinay mao si Maria Temblor hingkod ang panuigon molupyo sa nahisgutang lugar.
Subay sa inisyal nga imbestigasyon sa wala pa ang insidente nagkalalis si Temblor ug sa iyang bana nga si Amado Temblor mga alas 6:30 sa buntag nianang pagka adlaw'ng Biyernes subay sa pamahayag sa mga silingan niini.
Nakamatikod og commotion ang mga silingan sa biktima hinungdan nga gisusi kini sa mga silingan nga sila si John Casagan ug Elmer Casagan.
Apan paghiabot nila sa maong panimalay gikatahong ilang nakit-an si Amado nga nagunit sa liog sa biktima kinsa niadtong tungura naghigda na sa salog nga susama og daw wala nay panimuot.
Dihang ilahang gipangutana si Amado ug ang laing kauban diha sa panimalay nga wala ilha gikatahong mitubag kining na-stroke ang biktima ug madala ra nila ang pagtabang sa babaye tungod kay suhito siya sa pagtabang sa mga ingon niini nga klase nga sakit.
Apan mao nalay ilang nasayran pila ka gutlo nga namatay gyud si Maria. Gikatahong wala diha ang bana niini atol sa pagkahitabo.
Tungod sa pamahayag sa mga silingan gidapit sa kapolisan si Amado alang sa dugang pagsukit-sukit samtang gitakdang ipaubos pa sa autopsy ang kamatayon sa bilas niini.