Duha ka lalaki gipamusil

Duha ka lalaki ang nalandig sa Cebu City Medical Center niadtong miaging gabiii human mabiktima sa pagpamusil sa managlahing hitabo ning dakbayan.

Unang nalandig sa CCMC mao si Luis Benedict Flores, 23, usa ka security guard human kini gipusil sulod sa ilang panimalay sa Magsaysay Extention sa barangay Sawang Calero mga alas 6:40 niadtong miaging gabii.

Si Flores nakaangkon og samad pinusilan sa walang bukton human gipusil ni Wilfredo Rambonanza, 39, residente sa barangay Suba.

Ang biktima gikatahong uban sa iyang igsuon nag-inom sulod sa ilang panimalay dihang naabot ang suspetsado ug walay daghang pangutana gipusil ang biktima dayong sibat palayo sa lugar.

Samtang pagka alas 9:45 sa gabii usa na usab ka Floro Gallardo, 32, utility, taga sitio Kamanggahan barangay Guadalupe gipusil sa duha ka wala mailhing lalaki makadaghang higayon.

Ang biktima naigo sa tuong dughan nga milapos sa tuong bukton sumala pa niini sa kapulisan nga nagbarogbarog atubangan sa iyang trabahoan dihang kalit nga gipusil sa mga suspetsado kinsa dali kaayong nakasibat.

Paglabay sa kapin 30 minutos usa ka Ronnie Buaron, 30, alias “Butchoy” kargador, taga Unit 3 Carbon Market Ermita ang gipusil diha sa SRP sitio Bato sa nahisgutang barangay.

Samad pinusilan sa buko-buko human gipusil sa tulo ka wala mailhing suspetsado atol sa iyang pagpahuway daplin sa baybayon uban sa iyang kapuyo.

Ang biktima gikan nangaligo sa dagat sa uban   kapuyo apan sa ilang pagpahuway sa sementadong daplin sa baybayon kalit ang mga suspetsado nibutho ug gipusil siya makaduha ka higayon dayon nisibat palayo sa dapit.