Multicab gitulis

Gitulis ang usa ka multicab nga pasaheroan gikan dinhi sa dakbayan sa Sugbu paingon unta sa siyudad sa Naga paghiabot niini sa barangay Tunghaan lungsod sa Minglanilla alas 8:00 sa gabii niadtong Huwebes.

Ang drayber nga si Marcelino Alid, 44 taga barangay Inayagan siyudad sa Naga ug ang anak niining konduktor nga si Elmar, 17, lakip na mga pasaherong sila si Jayde Enriquez, 19, ug laing duha ka pasaherong wala na mo-report sa kapolisan maoy gitulis sa tulo ka wala mailhing lalaking pulos armado og pusil.

Matud ni PO3 Allen Garciano sa Minglanilla Police ang mga tulisan misakay sa Poblacion, Minglanilla apan pag-abot sa barangay Tunghaan mideklarar sila og tulis dayong tion sa pusil ngadto sa drayber samtang ang duha ka kauban maoy nanguha sa mga butang sa tulo nalang ka mga pasahero niining tungura.

Apil sa nasakmit ang P550.00 gikan sa konduktor ug pagkahuman abtik nga nisibat palayo.