Nadsu mopadayon sa P8.50 nga plitehan
Bisan paman sa pagpatuman sa P8 nga plitehan dili gihapon mohunong ang mga sakop sa Nagkahiusang Drayber sa Sugbu sa pagpangayo og P8.50 nga minimum nga plitehan.
Matud pang Ruben Rama, secretary general sa Nadsu sa pakighinabi sa Banat News kagahapon makatabang gyud hinuon ang maong umento alang sa mga drayber apan mas gusto nilang parehas sa plitehang gipatuman sa
Ang Nadsu kanunay nang nanawagan nga dili i-regionalized ang plitehan sanglit dinhi sa Sugbu mas mahal ang petrolyo kun itandi sa kauluhan.
Mipasalig hinuon si Rama nga ilang sundon ang taripa nga magmando og 20 percent discount sa mga tinun-an ug senior citizens ug aron mas sigurado ug walay gubot pangayoan sa mga drayber ang pasahero og mga IDs.
Samtang si Land Transportation Franchising and Regulatory Board (LTFRB) 7 Director Romulo Bernardes mipahibalong walay makakolekta og P8 sa mga pasahero kung walay taripa.
Gitataw niya nga daan na nilang giaprobahan ang P7 nga minimum nga plitehan sa mga PUJ nga pasaheroan dinhi sa Sugbu ug sa emergency meeting nga ilang gihimo sa mga rehiyonal direktor sa LTFRB maoy ilang nauyonan ang pagdugang og P1 nga naghimong P8 niining panahona.
Giangkon ni Bernardes nga wala matuman ang hangyo sa mga sakop sa Nagkahiusang Drayber sa Sugbu (NADSU) nga uniformity sa minimum nga plitehan dinhi sa nasud sanglit P8.50 man ang minimum nga plitehan sa
Gipasabot niya nga ang 20 porsiyento nga discount alang sa mga senior citizen ug mga tinun-an kinahanglang hingpit nga ipatuman.
Ang mga tinun-an ug senior citizens mahimong makasang-at unya og reklamo ngadto sa ilang buhatan kung di motuman sa ilang taripa. ( Edwin Ian Melecio ug report ni Romeo T. Limpangog)
- Latest
- Trending
