Mortar napalgan ilawom sa shipyard

Bomba nga 81mm mortar napalgan sa mga divers ilawom sa Keppel Shipyard sa barangay Poblacion dakbayan sa Lapulapu kagahapon sa udto.

Matud pa ni SPO1 Jacinto Mandal sa SWAT team sa Lapulapu nasuta nga ang maong bomba delikado pa nga makabuto kung wala pa kini mabatyagi sa mga diver nga nanglimpyo sa ilawon sa shipyard.

Si Jonas Quiloan, usa sa divers sa Pilot Marine Divers diin maoy nakakita sa maong bomba mipadayag nga nanguha sila og mga scrap sa ilawom nga bahin sa maong ship yard gumikan kay matag tuig kini nilang gihimo ang pagpanglimpyo sa maong dapit.

Nahingangha nalang siya dihang iyang nasigpatan ang maong vintage bomb sa ilawom ug iya dayon kining gitaho ngadto sa kapolisan sa dakbayan sa Lapulapu hinungdan sa pagresponde sa mga sakop sa SWAT team inubanan sa ilang bomb expert nga si SPO1 Jacinto Mandal.

Aron malikay sa peligro gibutangan sa SWAT og ice ang gisudlan sa bomba samtang ila kining gidala ngadto sa ilang buhatan