Mga drayber sa Talisay nasagmuyo

Hepe sa traffic division sa dakbayan sa Talisay, SPO4 Henry Obiso mitataw nga nakadawat sila og taho nga dunay mga multicab nga nagbiyahe sa siyudad nga walay mga prangkisa ug rehistro hinungdan nga mipahigayon sila og operasyon niadtong Miyerkules batok sa maong mga multicab.

Apan duha lang ang ilang nasikop diin ang mga kalapasan mao nga ang mga drayber expire na ang mga lisensiya   niini.

Ang Banat Manobela nakadawat na usab og mga text messages sa milabay’ng adlaw nga nagkanayon “sir gud day, naa ko text Banati Tuesday regarding habal-habal sa Jaclupan, Talisay. Police way nahimo, unsa na noon nga gahapon nag-operation sila nga mga multicab naman noon gipang inspection. Unsay buot pasabot ani?, Nasuko sila naayo complaint ang multicab?, Mao nay akong giingon nga kami mga legal bisan naa parking area dakpon sa mga tungtong polis kana PO2 David ug PO1 Denila ako mismo biktima abot mi Ombudsman apan kanang habal-habal nga illegal di dakpon unsa man protector ni sila sa mga ilegal?, kani sab mga city official nalabay naman ta ni gipabalik sab diri ganahan man og buangon. Ang legal dakpon, ang ilegal dili”.

Si PO1 Edwin Denila ug PO1 Jundave David nga naa karon madestino sa homicide section ang gitumbok sa maong mensahe.

Laing mensahe “Sir gud pm, palihog gud ko badlong anang mga traffic enforcer diha sa Talisay kay tan-awon raman ang mga labyog nga  moagi kami intawon nga naa sa rota dakpon mi”.

Si Obiso sa pakighinabi niini sa Banat News nagkanayon nga tanan nga dunay nabuhat nga kalapasan sa trapiko ang ilang sikopon sa ipahigayon nilang operasyon.

Matud niya nakadawat sila og taho nga dunay mga multicab ug mga traysikol nga nagbiyahe sa dakbayan ang walay mga rehistro ug prankisa hinungdan nga mipahigayon sila og check point diha duol sa barangay hall sa Lagtang.

Gawas sa mga walay lisensiya nga mga drayber sa multicab aduna usab silay nangasikop nga mga traysikol apan gamay lang tungod kay nakabantay kini nga duna silay gipahigayong operasyon.

Kabahin sa labyog nga traysikol si Obiso mitataw nga dili ma-accommodate sa paradahan ang mga traysikol mao nga ang uban niini ilaha lang gitugotan nga dili mosulod.

Si Obiso midungag nga si Denila diha niya idestino atbang sa ilang buhatan sa traffic division sa Tabunok diin gisangonan kining mobadlong sa mga maghatag og balda sa trapiko apan si David ang wala kini madestino sa traffic division karon.

Sa laing bahin, si David mitataw nga niadtong tuig 2000 nadestino siya sa traffic division diin aduna siya’y nasikop nga drayber nga nakalapas sa trapiko ug gani iyaha kining naisyohan og Temporary Operator’s Permit (TOP).

Matud niini nga ang maong drayber ang miduso og reklamo ngadto sa Land Transportation Office (LTO) ug miduso usab kini og reklamo ngadto sa Ombudsman apan wala dawata sa Ombudsman ang reklamo tungod kay wala kini igong basehan.

Si David ang nalabay ngadto sa laing lugar ug nabalik kini sa pagkadestino sa Talisay niadto lang milabay’ng tuig.