Sutukil sa Pasil gihimo
Gipamatud-an sa mga fish vendor ug sa mga opisyal sa siyudad sa Sugbu nga luwas pa gihapong kan-on ang mga isda nga gipamaligya sa kamerkaduhan sa dakbayan.
Kini pinaagi usab sa pagluto og “SUTUKIL” kon Sugba, Tuwa ug Kilaw diha sa Pasil Fish Market kagahapon sa buntag diin si acting Mayor Michael Rama maoy nangulo sa pagkaon atubangan sa publiko sa mga isdang giluto diha sa nahisgutang merkado.
Uban sa acting mayor mao sila si City Health Officer Doctor Fe Cabugao, City Market Administrator Racquel Arce ug uban pa.
Matud ni Rama nga anaa ra sa tawo ang paghuna-huna og sayop nga pagtoo ug kini maoy gusto nilang makorehian.
Sa iyang bahin miingon si Arce nga buot lang nilang ipadangat ngadto sa mga Sugbuanon nga sayop ang gituuhan sa uban.
“Gusto lang namong ipakita sa mga tawo nga luwas atong mga isda dinhi sukwahi sa ilang gikahadlukan, mao nga nangaon mi,” sumala ni Arce.
Ang pagpangaon og isda sa mga opisyal sa siyudad maoy paagi nila pagtabang sa mga manindahay og isda diha sa Pasil human ang mga fish vendor nangreklamo na sa kagamay sa ilang halin tungod kay pipila na lang ang mamalit og isda.
Ang maong kahadlok nagsugod dihang nalunod ang M/V Princess of the Stars sa miaging buwan nga nikalas og ubay-ubay nga mga kinabuhi diin ang uban nagpabilin pang missing.
Dunay kahadlok nga basin ang mga isda gikan sa maong rehiyon ug nakakaon og patay'ng tawo ug nadugangan pa ang kahadlok tungod sa pahibalong dunay insecticide sa maong barko nga makahilo, hinuon giklaro sa mga awtoridad nga wala mo-leak ang maong kemikal.
Ang supply sa isda dinhi sa dakbayan giingong nagagikan sa
- Latest
- Trending
