Midangop sa kapolisan didto sa lungsod sa Bantayan, isla sa Bantayan ang usa ka negosyante ug tag-iya og fishing boat nga gitawag og “zipper” niadtong milabay’ng adlaw human na-missing ang iyang panagatan apil na ang 16 ka mga tripulante niini apil na ang kapitan gikan pa niadtong Sabado atol sa pag-igo sa bagyong Frank sa amihanang Sugbo.
Usa ka Crispin Santillan, taga barangay Kabac, sa maong lungsod mi-report ug nagpa-blotter sa kapulisan human na-missing ang iyang panagatan ug mga tripulante.
Atol sa pagsukit-sukit sa kapolisan gitug-an ni Santillan nga naka-angkorahi sa kadagatan sa barangay Baigad ang mao niyang fishing boat luwan ang kapitan ug tripulante tungod sa bagyong si Frank.
Apan gibanabana niya nga mga alas 12 sa tungang gabii niadtong Sabado gi-anod ang maong fishing boat tungod sa kakusog sa hangin ug balod tungod sa bagyo.
Ang mga na-missing naglakip sa kapitan sa maong panagatan nga si Rafael dela Peña Pontrivida, 45, taga Kabac, Patrocinio dela Peña, 39, molupyo gihapon sa maong lugar ug engine mechanic.
Ang ubang mga missing naglangkob sa mga tripulante ug fish workers nga sila si Chavie Borlaza, 35, taga Kodia, Madridejes, Lope Villarino, 46 anyos, minyo, taga Kodia, Madredijos, Armando Desucatan, 23, Jr Alias Daku Descarten, 19 Johnny Ofianga Descarten, 34, pulos mga molupyo sa Kodia, Madredijos.
Ang uban pang mga missing mao sila si Lito Palma, 22, taga Negros Occidental, Melville Ofianga, 27, ulitawo, taga Kabac, Bonimon Giganto, 31, Boy Villanueva, 50, Cemagan Inocencio, 27, Danno Cataluna, 30, pulos mga molupyo sa Kabac, Bantayan.
Roberto Sinday, 35, taga Kangwayan, Madridejos ug usa ka Roldan Ofianga Pontrivida, 34, taga Kabac Bantayan.